సీఎంఆర్‌ఎఫ్‌ చెక్కుల పంపిణీ

బలిజిపేట: మండలంలోని వివిధ గ్రామాలకు చెందిన 11మంది నిరుపేదలకు ఎమ్మెల్యే అలజంగి జోగారావు ఆదివారం ముఖ్యమంత్రి సహాయనిధి చెక్కులను పంపిణీ చేశారు. వివిధ అనారోగ్య సమస్యలతో శస్ర్తచికిత్సలు చేయించుకున్న వీరికి సీఎం సహాయనిధి నుంచి రూ.5.65లక్షలు మంజూరైంది. ఈ కుటుంబాలను ఆదుకునేందుకు ప్రభుత్వం ఈ ఆర్థిక సహాయం అందించిందని ఎమ్మెల్యే అన్నారు. బలిజిపేట, నారాయణపురం, తుమరాడ, వంతరాం తదితర గ్రామాలకు చెందిన నిరుపేదల ఇంటికి వెళ్లి ఈ చెక్కులు అందజేశారు. కార్యక్రమంలో వైకాపా నాయకులు సాయికృష్ణ, తమ్మినాయుడు, వెంకటరమణ, లక్ష్మణ్‌రావు, శ్రీరామ్మూర్తి పాల్గొన్నారు.