టిఫా స్కానింగ్‌ యంత్రం ప్రారంభం

ఎంజీఎం ఆసుపత్రి, న్యూస్‌టుడే: వరంగల్‌ సీకేఎం ప్రభుత్వ ప్రసూతి ఆసుపత్రిలో రాష్ట్ర ప్రభుత్వం అందించిన టిఫా స్కానింగ్‌ యంత్రాన్ని శనివారం తూర్పు ఎమ్మెల్యే నరేందర్‌ ప్రారంభించారు. ఇప్పటికే ఆసుపత్రిలో రెండు యంత్రాలుండగా, కొత్తగా వచ్చిన రెండింటితో ఆసుపత్రిలో మొత్తం నాలుగు అందుబాటులోకి రావడం వల్ల గర్భిణులకు ఉపయోగకరం కానుందని ఎమ్మెల్యే నరేందర్‌ అన్నారు. గర్భస్థదశలోనే శిశువులోల పుట్టుకతో వచ్చే లోపాలను గుర్తించి చికిత్స ద్వారా సరిచేయడానికి అవకాశముంటుందని వైద్యులు తెలిపారు. కార్యక్రమంలో ఆసుపత్రి ఇన్‌ఛార్జ్‌ సూపరింటెండెంటు డాక్టర్‌ పద్మ, డీఎంహెచ్‌వో డాక్టర్‌ వెంకటరమణ, ఆర్‌ఎంవో డాక్టర్‌ శ్యాంకుమార్‌, కార్పొరేటర్‌ గందె కల్పన నవీన్‌, రేడియాలజిస్టులు రాంబాబు, వనజ సిబ్బంది పాల్గొన్నారు.