దుకాణాల్లో పండగ కళ

భీమవరం: ఉభయగోదావరి, కృష్ణా, ఖమ్మం జిల్లావాసులకు పశ్చిమగోదావరి ఓ వాణిజ్య కూడలి. ఇక్కడ లభించని వస్తువంటూ ఏదీ ఉండదు. పండగ వాతావరణంలో అన్ని దుకాణాల్లో సందడి కొనసాగుతోంది. ఈ సీజన్‌ తర్వాత ముహూర్తాలు సమీపించే అవకాశం ఉంది. ఇప్పటికే విక్రయాల జోరు కొనసాగుతుండటంతో అందుకు తగ్గట్టుగా వస్తువులు, ఆభరణాలు, గృహోపకరాణాలను తగ్గింపు ధరలో అందించేలా ఆయా వ్యాపారులు ఏర్పాట్లు చేస్తున్నారు. వస్త్ర, బంగారు ఆభరణాల విక్రయ దుకాణాలు కొనుగోలుదారులతో కిటకిటలాడుతున్నాయి. చిన్నారులు, మహిళలు, యువత తదితర వర్గాలకు కావాల్సిన వస్తువులు అందుబాటులో ఉండటంతో కుటుంబ సమేతంగా వెళ్లి కొనుగోలు చేస్తున్నారు. మరోవైపు వాహన విక్రయాల జోరు కొనసాగుతోంది.