జగ్గన్నపేటలో మట్టి తవ్వకాలపై ఆరా

చెరువును పరిశీలిస్తున్న త్రిసభ్య కమిటీ సభ్యులు

తాడేపల్లిగూడెం, న్యూస్‌టుడే: తాడేపల్లిగూడెం మండలం జగ్గన్నపేటలో ఇటీవల మట్టి తవ్వకాలు అక్రమంగా చేపట్టారని ఉన్నతాధికారులకు వెళ్లిన ఫిర్యాదుల మేరకు త్రిసభ్య కమిటీ శుక్రవారం పరిశీలించింది. కమిటీలో భీమవరం ఆర్డీవో డి.రాజు, జిల్లా పంచాయతీ అధికారి ఎం.నాగలత, మైనింగ్‌ డీఈ కిశోర్‌వర్మ సభ్యులుగా ఉన్నారు. కమిటీ సభ్యులు జగ్గన్నపేట మాలపాడు చెరువులో మట్టి తవ్వకాలను పరిశీలించారు. ఉపాధి హామీ పథకంలో ఎంత మేరకు తవ్వారో వివరాలు తెలుసుకున్నారు. అక్కడి వాహనాలను పరిశీలించారు. వీఆర్‌ఓ సుబ్బారావు, పంచాయతీ కార్యదర్శి లక్ష్మి, ఉపాధి క్షేత్ర సహాయకుల నుంచి జరిగిన పనుల వివరాలు తెలుసుకున్నారు. ఎప్పటి నుంచి తవ్వకాలు జరుగుతున్నాయని కార్యదర్శిని ప్రశ్నించారు. కమిటీ వెంట డిప్యూటీ తహసీల్దారు శివశంకర్‌ ఉన్నారు.