ఆలయాల్లో ప్రత్యేక పూజలు

దెందులూరు : విజయదశమి సందర్భంగా బుధవారం దెందులూరు మండలంలోని పలు గ్రామాల్లో కనకదుర్గమ్మ ఆలయాల్లో ప్రత్యేక పూజలు బుధవారం నిర్వహించారు. పోతనూరు, కొవ్వలి, దెందులూరు, సోమవరప్పాడు, గోపన్నపాలెం, కొత్తగూడెం తదితర గ్రామాల్లో కనకదుర్గమ్మ విగ్రహాలను నూతన వస్త్రాలు, పూలతో ప్రత్యేకంగా అలంకరించారు. మహిళలు కుంకుమ పూజలు నిర్వహించారు. కొవ్వలి మహాలక్ష్మి ఆలయం, దెందులూరు పెద్దింటమ్మ అమ్మవారి ఆలయాల్లో కూడా ప్రత్యేకంగా అలంకరించారు. ఉండ్రాజవరంలోని సోమాలమ్మ ఆలయం, సత్యనారాయణపురంలోని రామాలయాల్లో ప్రత్యేక పూజలు చేశారు. ఆయా ఆలయాల్లో పూజల అనంతరం పలు చోట్ల హనుమాన్‌ చాలీసా పారాయణం తదితర కార్యక్రమాలను నిర్వహించారు.