కార్తికేయ కల్యాణం

ఉత్సవ మూర్తులు

అత్తిలి, న్యూస్‌టుడే: అత్తిలి శ్రీవల్లీ దేవసేన సమేత సుబ్రహ్మణ్యేశ్వర స్వామివారి కల్యాణం సోమవారం రాత్రి వైభవంగా జరిగింది. శోభాయమానంగా తీర్చిదిద్దిన స్వామి, అమ్మవార్లను పెండ్లి కుమారుడు, పెండ్లి కుమార్తెగా కొలువుదీర్చి శాస్త్రోక్తంగా క్రతువు నిర్వహించారు. ఈ కమనీయ ఘట్టాన్ని భక్తులు  తిలకించి పులకించారు. స్వామివారి తలంబ్రాల కోసం  పోటీ పడ్డారు. మంగళవారం స్వామివారి దర్శనానికి వచ్చే భక్తులకు ఎలాంటి ఇబ్బందుల్లేకుండా ఏర్పాట్లు చేసినట్లు ఆలయ కమిటీ సభ్యులు తెలిపారు. దామిశెట్టి రామజగ్గయ్య, నాగ సూర్యవాణి దంపతుల ఆధ్వర్యంలో ఈ క్రతువు నిర్వహించారు.

తాళిబొట్టు చూపుతున్న పురోహితుడు