నరసాపురం నుంచి పోటీలో ఉంటా : రఘురామ

ఎంపీ కనుమూరితో అభిమానులు

భీమవరం పట్టణం, కాళ్ల, న్యూస్‌టుడే: నరసాపురం లోక్‌సభ కూటమి అభ్యర్థిగా పోటీలో ఉంటానని, ఇందుకు సంబంధించి త్వరలో స్పష్టత వస్తుందని ఎంపీ కనుమూరి రఘురామకృష్ణరాజు తెలిపారు. గురువారం సాయంత్రం యన రాజమహేంద్రవరం నుంచి భీమవరం  చేరుకున్నారు. పెదఅమిరంలోని ఆయన నివాసం అభిమానులు, వివిధ పార్టీల నాయకులు, కార్యకర్తలతో కిక్కిరిసిపోయింది. రాత్రి పొద్దుపోయే వరకు అభిమానులతో మాట్లాడారు. వై.ఎస్‌. జగన్‌మోహన్‌రెడ్డి కుయుక్తులకు తగిన గుణపాఠం త్వరలో చెబుతానని, అప్పటి వరకు అభిమానులు అధైర్య పడొద్దంటూ భరోసా కల్పించారు.  తెదేపా, జనసేన నాయకులు, జిల్లాలోని పలు మండలాలకు చెందిన అభిమానులు అధిక సంఖ్యలో హాజరయ్యారు.