ముగిసిన నామినేషన్ల పరిశీలన

చిన్నచౌకు (కడప), న్యూస్‌టుడే: జిల్లాలో నామినేషన్ల పరిశీలన శుక్రవారం పూర్తయింది. కడప పార్లమెంట నియోజకవర్గానికి సంబంధించి 32 నామపత్రాలు దాఖలు కాగా 14 ఆమోదించారు. సరిగా లేని 18 తిరస్కరించారు. అసెంబ్లీ నియోజకవర్గాల వారీగా చూస్తే... కడపలో 39 నామినేషన్లు రాగా 14 ఆమోదించారు. 25 తిరస్కరించారు. బద్వేలులో 28 మంది అభ్యర్థులకుగానూ 18 మంది నామినేషన్లకు ఆమోదం తెలిపి 10 మందివి తిరస్కరించారు. మైదుకూరులో 28 మంది దరఖాస్తు చేయగా, 23 ఆమోదం పొందగా, 5 తిరస్కరణకు గురయ్యాయి. జమ్మలమడుగులో 33 నామినేషన్లు రాగా, 24 సరిగా ఉన్నాయని నిర్ధారించారు. 9 మందివి తిరస్కరించారు. పులివెందులలో 33 మంది అభ్యర్థులకుగానూ 30 ఆమోదించగా, మూడు తిరస్కరించారు. కమలాపురంలో 24 మంది నామినేషన్లు వేయగా, 13 ఆమోదం పొందగా, 11 తిరస్కరణకు గురయ్యాయి. ప్రొద్దుటూరు నియోజకవర్గానికి సంబంధించి 34 మంది అభ్యర్థులు ఉండగా 21 మందిని అర్హులుగా పరిగణించగా, 13 నామినేషన్లు తిరస్కరించారు.