ముగిసిన నామినేషన్ల ఉపసంహరణ ప్రక్రియ

అభ్యర్థుల నామపత్రాలు పరిశీలిస్తున్న రాయచోటి ఆర్డీవో రంగస్వామి

రాయచోటి, న్యూస్‌టుడే: రాజంపేట ఎంపీ స్థానంతోపాటు ఆరు అసెంబ్లీ స్థానాలకు సంబంధించి నామినేషన్ల ఉపసంహరణ ప్రక్రియ సోమవారం ముగిసింది. రాజంపేట ఎంపీ స్థానంలో 20 మంది అభ్యర్థులు నామినేషన్లు దాఖలు చేయగా, పోటీ నుంచి ఇద్దరు అభ్యర్థులు ఉపసంహరించుకోవడంతో 18 మంది బరిలో నిలిచారు. రాజంపేట అసెంబ్లీకి 14 నామినేషన్లు దాఖలు కాగా, 12 మంది అభ్యర్థులు పోటీలో ఉన్నారు. రాయచోటి నియోజకవర్గంలో ముగ్గురు అభ్యర్థులు ఉపసంహరించుకోగా, మిగిలిన 15 మంది అభ్యర్థులు పోటీలో ఉన్నారు. తంబళ్లపల్లె నియోజకవర్గంలో 12 మంది అభ్యర్థులకుగానూ ఒకరు నామినేషన్‌ను ఉపసంహరించుకోగా 11 మంది అభ్యర్థులు మిగిలారు. పీలేరు నియోజకవర్గంలో 12 మంది అభ్యర్థులు బరిలో ఉండగా, ఎవరూ కూడా ఉపసంహరించుకోలేదు. మదనపల్లె నియోజక వర్గంలో 15 మంది అభ్యర్థులుండగా, ఎవరూ నామినేషన్లు ఉపసంహరించుకోలేదు. రైల్వేకోడూరు నియోజకవర్గంలో 15 మంది అభ్యర్థులు పోటీలో నిలిచారు. స్వతంత్య్ర అభ్యర్థులకు ఎన్నికల అధికారులు గుర్తులు కేటాయించారు.