అవుటర్‌ చుట్టూ జలాభిషేకం!

రూ.1200 కోట్ల ప్రాజెక్టు పనులకు శ్రీకారం

ఏడాదిలో పూర్తికి జలమండలి ప్రణాళిక

ఈనాడు, హైదరాబాద్‌

అవుటర్‌ రింగ్‌ రోడ్డు పరిధిలోని అన్ని ప్రాంతాల్లో తాగునీరు అందించే కార్యాచరణకు ప్రభుత్వం పెద్దపీట వేస్తోంది. ఇప్పటికే ఫేజ్‌-1లో 196 గ్రామాలకు తాగునీటిని అందించిన జలమండలి.. తాజాగా రూ.1200 కోట్లతో ఫేజ్‌-2 పనులకు శ్రీకారం చుట్టింది. వీటిని సోమవారం పురపాలక పట్టణాభివృద్ధి శాఖ మంత్రి కేటీఆర్‌ ప్రారంభించిన విషయం తెలిసిందే. ఈ ప్రాజెక్టు స్వరూపం, విశేషాలివీ.. క్లుప్తంగా...

ఇవీ ప్రయోజనాలు

● ఓఆర్‌ఆర్‌ 158 కి.మీ. పరిధిలో విస్తరించి ఉంది. తాజా ప్రాజెక్టుతో ఓఆర్‌ఆర్‌ పరిధిలోని ప్రాంతాల ప్రజలకు సరిపడా నీటి సరఫరా సాధ్యమవుతుంది. * ఇంతవరకు సరఫరా లేని కాలనీలు, గ్రామాలకు తాగునీరు అందించవచ్ఛు దీంతో ఈ ప్రాంతం అభివృద్ధి చెందుతుంది. * ప్రధాన నగరంపై ఒత్తిడి తగ్గుతుంది. తద్వారా కాలుష్యం, ట్రాఫిక్‌ సమస్యకు పరిష్కారం లభిస్తుంది. * శివారు ప్రాంతాలకు ప్రజా రవాణా, ఇతర మౌలిక వసతులు పెరుగుతాయి.

* కొత్త పరిశ్రమలు, వాణిజ్య సంస్థలు, పర్యాటక ప్రాంతాలు ఇతర సంస్థలు కొలువుదీరే అవకాశం ఉంటుంది. * ప్రస్తుతం 3-5 రోజులకు నీళ్లు అందుతున్న ప్రాంతాలకు ఈ ప్రాజెక్టు ద్వారా రోజు విడిచి రోజు అందించవచ్ఛు * నీటి సరఫరాలో నాణ్యత పెరుగుతుంది.

కొత్తగా జారీ చేసే నల్లాలు 2,09,870

ప్రాజెక్టు తర్వాత రోజుకు తలసరి సరఫరా 150 లీటర్లు