భాజపా అభ్యర్థి రాజీవ్‌ చంద్రశేఖర్‌పై తప్పుడు ప్రచారం చేసినట్లు ఆరోపణ

తిరువనంతపురం: కేంద్ర మంత్రి, తిరువనంతపురం భాజపా అభ్యర్థి రాజీవ్‌ చంద్రశేఖర్‌పై తప్పుడు ప్రచారం చేశారని ఆయన ప్రత్యర్థి, కాంగ్రెస్‌ అభ్యర్థి శశిథరూర్‌పై కేసు నమోదు చేసినట్లు ఆదివారం పోలీసులు తెలిపారు. ఈ నెల 15వ తేదీన సైబర్‌ విభాగం పోలీసులు కేసు నమోదుచేసినా ఆదివారం వివరాలు బహిర్గతమయ్యాయి. టెలివిజన్‌ కార్యక్రమంలో రాజీవ్‌ చంద్రశేఖర్‌కు వ్యతిరేకంగా శశిథరూర్‌ తప్పుడు ప్రచారం చేశారంటూ భాజపా నాయకుడు జె.ఆర్‌.పద్మకుమార్‌ పోలీసులకు ఫిర్యాదు చేశారు. లోక్‌సభ ఎన్నికల్లో కేరళలోని తీర ప్రాంతాల ఓటర్లను ఆకర్షించేందుకు రాజీవ్‌ చంద్రశేఖర్‌ పరువుకు నష్టం కలిగించేలా ఎంపీ ప్రకటనలు చేశారని అందులో ఆరోపించారు. ఈ మేరకు పోలీసులు ఐపీసీ, ఐటీ చట్టంలోని వివిధ సెక్షన్ల కింద శశిథరూర్‌పై కేసు నమోదు చేశారు. ఈ విషయమై శశిథరూర్‌ స్పందించాల్సి ఉంది.