ఈసీకి భాజపా ఫిర్యాదు

దిల్లీ: దేశంలో పేదరికం పెరిగిందని కాంగ్రెస్‌ అగ్ర నేత రాహుల్‌ గాంధీ తప్పుడు లెక్కలు చెబుతున్నారని భాజపా ఆరోపించింది. ఆయనపై కఠిన చర్యలు తీసుకోవాలని ఎన్నికల సంఘాన్ని (ఈసీ) కోరింది. దేశంలో ఉత్తర, దక్షిణ విభజనను రాహుల్‌ పదేపదే ప్రస్తావిస్తున్నారని పేర్కొంది. ఆయన చర్యలు కోరుతూ భాజపా ప్రధాన కార్యదర్శి తరుణ్‌ ఛుగ్‌ నేతృత్వంలోని పార్టీ బృందం ఈసీకి కలిసి వినతిపత్రం సమర్పించింది. ‘ఎటువంటి ఆధారాల్లేకుండా రాహుల్‌ గాంధీ దేశంలో 20 కోట్ల మంది పేదలు   పెరిగారని చెబుతున్నారు. నీతి ఆయోగ్‌ నివేదిక ప్రకారం దేశంలో 25 కోట్ల మంది పేదరికం నుంచి బయటకు వచ్చారు’ అని ఫిర్యాదు అనంతరం మీడియాకు తరుణ్‌ ఛుగ్‌ తెలిపారు.