ప్రియాంకా గాంధీ

కలబురగి: మహిళలపై దురాగతాలకు పాల్పడినట్లు ఆరోపణలు ఎదుర్కొంటున్న కర్ణాటక ఎంపీ ప్రజ్వల్‌ రేవణ్ణపై ప్రధాని మోదీ ఇంకా మౌనంగానే ఎందుకు ఉంటున్నారని కాంగ్రెస్‌ ప్రధాన కార్యదర్శి ప్రియాంకా గాంధీ ప్రశ్నించారు. ప్రజ్వల్‌ దేశం విడిచి ఎలా వెళ్లగలిగారని నిలదీశారు. సోమవారం కర్ణాటకలోని కలబురగి జిల్లాలోని సెడంలో ఎన్నికల సభలో ఆమె ప్రసంగించారు. ‘‘ప్రజ్వల్‌ భుజంమీద చేయివేసి ప్రధాని ఫొటో దిగారు. 10 రోజుల కిందట స్వయంగా ప్రచారంలో పాల్గొన్నారు. ఇప్పుడు ఆయన విదేశాలకు పారిపోయారు. ఎందరో మహిళల జీవితాలు నాశనయయ్యాయి. ఇప్పుడు కూడా మోదీ మౌనంగా ఉంటారా..?’’ అని ఆమె నిలదీశారు.