దిల్లీ: ప్రతికూల వాతావరణ పరిస్థితుల్లో ఏర్పాట్లు కష్టమయ్యేలా ఉండడంతో జమ్మూ-కశ్మీర్‌లోని అనంత్‌నాగ్‌-రాజౌరీ లోక్‌సభ స్థానంలో ఎన్నికలను మే 25వ తేదీకి వాయిదా వేయాలని ఈసీ మంగళవారం నిర్ణయించింది. ఎన్నికల తేదీ మినహా షెడ్యూల్‌లో మరేమీ మారదని ఈసీ వర్గాలు స్పష్టంచేశాయి. ముందు ప్రకటించిన ప్రకారమైతే మే 7న అక్కడ ఎన్నికలు జరగాలి. మాజీ సీఎం, పీడీపీ అధ్యక్షురాలు మెహబూబా ముఫ్తీ సహా 20 మంది బరిలో ఉన్నారు. హిమపాతంతో వాతావరణ పరిస్థితులు అనుకూలంగా లేనందున ఎన్నికల తేదీ మార్చాలని వివిధ పార్టీలు కోరడంతో ఈసీ తన నిర్ణయాన్ని వెలువరించింది. ఈ నిర్ణయాన్ని పీడీపీ తప్పుబట్టింది.