దిల్లీ: ప్రముఖ బుల్లితెర నటి రూపాలి గంగూలీ, మహారాష్ట్రకు చెందిన సామాజిక కార్యకర్త, జోతిష్యుడు అమేయా జోషీ భాజపాలో చేరారు. ఆ పార్టీ జాతీయ ప్రధాన కార్యదర్శి వినోద్‌ తావ్డే, జాతీయ మీడియా విభాగం ఇన్‌ఛార్జ్‌ అనిల్‌ బలూని సమక్షంలో బుధవారం ఇక్కడ పార్టీ ప్రధాన కార్యాలయంలో వారు కాషాయ తీర్థం పుచ్చుకున్నారు. ఈ సందర్భంగా తావ్డే మాట్లాడుతూ.. ‘‘అబద్ధాలను ప్రచారం చేస్తున్న ప్రతిపక్ష కూటమి, ఇప్పుడు ‘ఓట్‌ జిహాద్‌’ ప్రచారాన్ని మొదలెట్టింది. ఓ వైపు వారు ముస్లింలకు ఓబీసీ రిజర్వేషన్లను కల్పిస్తూ.. మరోవైపు ఓట్‌ జిహాద్‌ గురించి మాట్లాడుతున్నారు’’ అని విమర్శించారు.