భాజపా వ్యాఖ్య

దిల్లీ: పాకిస్థాన్‌ను సంతోషపరిచే నాయకుడిని ఎన్నుకోవాలా? లేక దేశాన్ని బలోపేతం చేసే నేతను గెలిపించాలా అన్నది ఓటర్లు నిర్ణయిస్తారని భాజపా మంగళవారం పేర్కొంది. ‘‘ఫరూక్‌ అబ్దుల్లా, లాలూ ప్రసాద్‌ తదితరుల ప్రకటనలు చూస్తుంటే.. పాక్‌ను సంతోషపెట్టే నాయుకుడినా లేక దేశాన్ని బలోపేతం చేసే నేతను ఎన్నుకోవాలా అన్న విషయాన్ని ఓటర్లు పోలింగ్‌ సమయంలో సహజంగానే ఆలోచిస్తారు’’ అని భాజపా ప్రధాన కార్యదర్శి వినోద్‌ తావ్డే దిల్లీలో పార్టీ ప్రధాన కార్యాలయంలో విలేకరులతో వ్యాఖ్యానించారు. పార్టీ అధికార ప్రతినిధి సుధాంశు త్రివేది మాట్లాడుతూ..ఇండియా కూటమి అధికారంలోకి వస్తే రాజ్యాంగం ప్రాథమిక నిర్మాణాన్ని మార్చేసి మైనార్టీలకు రిజర్వేషన్లు కల్పిస్తుందని ఆరోపించారు.