దిల్లీ: మూడు రాష్ట్రాల అసెంబ్లీ ఎన్నికల ఫలితాల్లో భాజపా(BJP) స్పష్టమైన ఆధిక్యాన్ని ప్రదర్శిస్తోంది. దీంతో భాజపా నేతలు సంబరాలు చేసుకుంటున్నారు. అంతేగాకుండా కాంగ్రెస్, దాని మిత్రపక్షాలు గతంలో చేసిన విమర్శలను దీటుగా తిప్పికొడుతున్నారు.

కాంగ్రెస్‌ నుంచి భాజపాలోకి వెళ్లిన జోత్యిరాదిత్య సింధియా(Jyotiraditya Scindia)ను ఉద్దేశించి గతంలో కాంగ్రెస్ నేత ప్రియాంకాగాంధీ(Priyanka Gandhi) విమర్శలు చేశారు. ఆయన ప్రజల తీర్పును అపహాస్యం చేశారని.. అహంకారం ఎక్కువని వ్యాఖ్యానించారు. అదే సమయంలో ఎత్తు గురించి ప్రస్తావించారు. దీనిపై తాజాగా సింధియా కౌంటర్ ఇచ్చారు. ‘కొంతమంది నా ఎత్తు గురించి మాట్లాడారు. ఎంత ఎత్తులో ఉన్నామో గ్వాలియర్- మాల్వా ప్రజలు చూపించారు’ అని ఓ జాతీయ మీడియాతో మాట్లాడుతూ బదులిచ్చారు. ఈ ప్రాంతంలో సింధియా కుటుంబానికి పట్టు ఎక్కువ.

Telangana Election Results 2023: తెలంగాణ రిజల్ట్‌.. కేటీఆర్‌ రెస్పాన్స్‌

ఇంతకంటే దారుణ ఓటమి ఉంటుంది: ప్రహ్లాద్ జోషి

విపక్ష పార్టీలు పార్లమెంట్‌ కార్యకలాపాలు సజావుగా సాగకుండా అంతరాయం కలిగిస్తే.. ఇంతకంటే దారుణమైన ఫలితాలు ఉంటాయని కాంగ్రెస్, దాని మిత్రపక్షాలను ఉద్దేశించి కేంద్రమంత్రి ప్రహ్లాద్ జోషి విమర్శలు గుప్పించారు. డిసెంబర్ నాలుగు నుంచి పార్లమెంట్ శీతాకాల సమావేశాలు ప్రారంభం కానున్నాయి. డిసెంబర్ 22 వరకు కొనసాగనున్నాయి.