అన్నయ్య రాహుల్‌ నుంచి ఇవే నేర్చుకున్నా..

రక్షాబంధన్‌ సందర్భంగా ప్రియాంక గాంధీ భావోద్వేగపూరిత సందేశం

దిల్లీ: అన్నాచెల్లెళ్లు, అక్కా తమ్ముళ్ల అనుబంధానికి ప్రతీకగా జరుపుకొనే రక్షా బంధన్‌ని పురస్కరించుకొని కాంగ్రెస్‌ ప్రధాన కార్యదర్శి ప్రియాంక గాంధీ భావోద్వేగపూరిత సందేశాన్ని ట్వీట్‌ చేశారు. తన సోదరుడు, కాంగ్రెస్‌ అగ్రనేత రాహుల్‌ గాంధీ నుంచి నేర్చుకున్న లక్షణాల్ని గుర్తుచేసుకున్నారు. ‘‘సంతోషం.. బాధ.. ఇలా ప్రతిక్షణంలో కలిసి నడుస్తూ ప్రేమ, సత్యం, సహనం అనే లక్షణాల్ని మా అన్నయ్య నుంచే నేర్చుకున్నాను. అలాంటి సోదరుడు ఉన్నందుకు గర్వపడుతున్నా’’ అంటూ రాహుల్‌తో ఉన్న అనుబంధాన్ని ప్రియాంక గుర్తుచేసుకున్నారు. రాహుల్‌తో కలిసి ఉన్న ఓ ఫొటోను సందేశానికి జత చేశారు. ఈ సందర్భంగా  దేశ ప్రజలందరికీ ప్రియాంక రక్షాబంధన్‌ శుభాకాంక్షలు తెలిపారు.

అంతకుముందు రాహుల్‌ గాంధీ ట్విటర్‌ వేదికగా.. దేశ ప్రజలందరికీ రక్షాబంధన్‌ శుభాకాంక్షలు తెలియజేశారు. తన చెల్లి ప్రియాంకను ఆత్మీయంగా ఆలింగనం చేసుకున్న ఫొటోను జతచేశారు.