Ganesh Chaturti: వినాయకుడికి కానుకగా వజ్రాల కిరీటం.. ధర తెలిస్తే షాక్‌ అవుతారు!

పుణె: మహారాష్ట్రలోని పుణెలో ప్రసిద్ధ దగ్దుషేత్‌ హల్వాయ్‌ గణపతి ఆలయానికి ఓ భక్తుడు భారీ కానుకను సమర్పించాడు. వజ్రాలతో పొదిగిన 10కిలోల బంగారం కిరీటాన్ని వినాయకుడికి బహూకరించాడు. ఈ కిరీటం విలువ  సుమారు ₹6కోట్లు ఉంటుందని ఆలయ అధికారులు పేర్కొన్నారు. వినాయక చవితి రోజున భక్తుడు సమర్పించిన ఈ స్వర్ణ కిరీటాన్ని స్వామివారికి అలంకరించినట్టు తెలిపారు. అయితే, ఈ భూరి కానుకను సమర్పించిన భక్తుడు తన వివరాలను గోప్యంగా ఉంచాలని కోరారని ఆలయ ట్రస్టు అధికారులు అన్నారు. ఈ కానుకను వినాయక చవితి రోజు సమర్పించారని, ప్రత్యేక డిజైన్‌లో తీర్చిదిద్దిన ఈ స్వర్ణ కిరీటం దగ్దుషేత్‌ హల్వాయి గణపతి ఆలయంలో ప్రత్యేక ఆకర్షణగా నిలిచినట్టు వివరించారు.