Andhra News: ‘మంత్రి సురేశ్ మా పొలం ఆక్రమించారు’: స్పందనలో మహిళ ఫిర్యాదు

దర్శి: మంత్రి ఆదిమూలపు సురేశ్ తన పొలం ఆక్రమించారని ప్రకాశం జిల్లా కలెక్టర్‌కు ఓ మహిళ ఫిర్యాదు చేశారు. ప్రకాశం జిల్లా దర్శిలో ఇవాళ స్పందన కార్యక్రమం నిర్వహించారు. దీనికి కలెక్టర్‌ దినేశ్‌ కుమార్‌, ఎమ్మెల్యే వేణుగోపాల్‌ హాజరయ్యారు. ఈ సందర్భంగా మార్కాపురం మండలం దరిమడుగుకు చెందిన రంగలక్ష్మమ్మ కలెక్టర్‌ ఎదుట తన ఆవేదన వ్యక్తం చేశారు.

‘‘మంత్రికి చెందిన జార్జ్‌ ఇంజినీరింగ్ కళాశాల సమీపంలో మాకు మూడెకరాల భూమి ఉంది. ఆ పొలాన్ని మంత్రి సురేశ్‌ ఆక్రమించారు. ఎంతమందికి ఫిర్యాదు చేసినా న్యాయం జరగలేదు. మీరైనా న్యాయం చేయండి’’ అని కలెక్టర్‌కు ఆ మహిళ విన్నవించారు.