Viral video: బురదలో ఇరుక్కుపోయిన ఏనుగు

ఇంటర్నెట్‌డెస్క్‌: బురదలో ఇరుక్కుపోయిన ఏనుగును అటవీశాఖ సిబ్బంది రక్షించిన ఘటన కర్ణాటకలోని బందిపొరా టైగర్‌ రిజర్వ్‌ ఫారెస్ట్‌లో చోటు చేసుకుంది. ఇందుకు సంబంధించిన వీడియోను బందిపొరా టైగర్‌ రిజర్వ్‌ ట్విటర్‌లో పంచుకుంది. దీంతో ఈ వీడియో ఒక్కసారిగా వైరల్‌ అయింది. ఏనుగు ఒకటి బురదలో చిక్కుకుపోయి పైకి లేచేందుకు అవస్థలు పడటాన్ని అటవీశాఖ సిబ్బంది గుర్తించారు. వెంటనే ఓ జేసీబీని తెప్పించి దాని సాయంతో ఏనుగును పైకి లేపారు. అనంతరం నిల్చోవడానికి ఇబ్బంది పడినా.. తర్వాత కోలుకుని నడిచింది. ప్రస్తుతం ఈ వీడియో సామాజిక మాధ్యమాల్లో చక్కర్లు కొడుతోంది.