TS News: భారాసకు కోకాపేటలో 11 ఎకరాలు.. హైకోర్టులో పిల్‌

హైదరాబాద్‌: భారాసకు కోకాపేటలో 11 ఎకరాల భూమి కేటాయించడంపై.. హైకోర్టులో ఫోరం ఫర్ గుడ్ గవర్నెన్స్ (ఎఫ్‌జీజీ) పిల్‌ దాఖలు చేసింది. కోకాపేటలో ఖరీదైన భూమిని భారాస పార్టీ కార్యాలయం కోసం కేటాయించారని పిల్‌లో పేర్కొంది. ఎకరానికి రూ.50 కోట్ల విలువైన భూమిని రూ.3.41 కోట్లకే కేటాయించారని.. కేవలం అయిదు రోజుల్లో ఈ ప్రక్రియను పూర్తి చేశారని వెల్లడించింది. భూ కేటాయింపు పత్రాలనూ రహస్యంగా పెట్టారన్న పిటిషనర్.. శిక్షణ, ఎక్సలెన్స్ కేంద్రం పేరిట భారాస భూమి పొందినట్లు తెలిపింది. భారాసకు బంజారాహిల్స్‌లో పార్టీ కార్యాలయం ఉన్నప్పటికీ మళ్లీ భూమి కేటాయించారంది. ఈ మేరకు భారాసకు భూ కేటాయింపు జీవోను రద్దు చేయాలని హైకోర్టును ఎఫ్‌జీజీ కోరింది. కోకాపేటలో నిర్మాణ పనులు జరపకుండా స్టే ఇవ్వాలని విజ్ఞప్తి చేసింది.