అమరావతి భూములపై ఐటీశాఖకు సీఐడీ లేఖ

అమరావతి : ఐటీ చీఫ్‌ కమిషనర్‌కు ఏపీ సీఐడీ అడిషనల్‌ డైరెక్టర్‌ పి.వి.సునీల్‌ కుమార్‌  లేఖ రాశారు. అమరావతిలో  2018 నుంచి 2019 వరకు భూముల కొనుగోలుపై విచారణ చేపట్టాలని కోరారు. రూ.2లక్షలకు మించి  జరిగిన అనుమానిత లావాదేవీలపై విచారణ జరపాలని పేర్కొన్నారు. ఐటీ చట్టాలను ఉల్లంఘిస్తూ జరిగిన భూముల అమ్మకాలు, కొనుగోళ్లపై చట్టపరమైన చర్యలు తీసుకోవాలని కోరారు. అసైన్డ్‌ భూములు కొనుగోలు చేసిన  106 మంది వివరాలను కూడా లేఖతో పాటు ఐటీ అధికారులకు సునీల్‌ కుమార్‌ పంపారు. భూముల అడ్రస్‌తోపాటు‌, సర్వే నంబర్లను కూడా ఐటీ కమిషనర్‌కు అందజేశారు.