వైద్యం అందించిన డాక్టర్‌కూ కరోనా!

బెంగళూరు(కర్ణాటక): కరోనా సోకిన వ్యక్తికి వైద్య పరీక్షలు చేసిన ఓ డాక్టర్‌కూ ఆ వైరస్‌ సోకింది. ఈ ఘటన కర్ణాటకలో చోటుచేసుకుంది. కర్ణాటకలోని కలబురగికి చెందిన ఓ వ్యక్తి కరోనా సోకి ప్రాణాలు కోల్పోయాడు. కాగా.. ఆ వ్యక్తి కుటుంబ సభ్యులతో పాటు వైద్యం అందించిన డాక్టర్‌ను కూడా క్వారంటైన్‌లో ఉండాలని ప్రభుత్వం ఆదేశించింది. తాజాగా ఆ వైద్యుడికి పరీక్షలు చేయగా కరోనా సోకినట్లు నిర్ధారణ అయింది. ఇదిలా ఉండగా కర్ణాటకలో ఇప్పటి వరకూ 10 కరోనా కేసులు నమోదయ్యాయి. గడిచిన 24గంటల్లోనే మూడు కొత్త కేసులు నిర్ధారణ అయినట్లు ఆ రాష్ట్ర వైద్య ఆరోగ్యశాఖ మంత్రి శ్రీరాములు తెలిపారు.