టిమ్స్‌ను సందర్శించిన కేంద్ర బృందం

హైదరాబాద్‌: కరోనా ఉద్ధృతితో హైదరాబాద్‌ మహానగరంలో పరిస్థితులు సీరియస్‌గా ఉన్నాయని గుర్తించిన కేంద్ర ప్రభుత్వం ప్రత్యేక దృష్టి సారించింది. నగరంలో పరిస్థితులను సమీక్షించేందుకుగాను దిల్లీ నుంచి ప్రత్యేక బృందాన్ని పంపింది. ఈ బృందం శనివారం ఉదయం గచ్చిబౌలిలోని టిమ్స్‌ను సందర్శించింది. కొవిడ్‌ రోగులకోసం కల్పించిన సదుపాయాలను పరిశీలించింది. క్షేత్రస్థాయిలో కొవిడ్‌ నియంత్రణకు తీసుకుంటున్న చర్యలపై సమీక్షించిన అనంతరం సీఎంతోపాటు మంత్రులు, అధికారులతో చర్చించి రాష్ట్రంలో పరిస్థితులను కేంద్ర బృందం అంచనావేయనుంది. కొవిడ్‌ రోగుల కోసం తెలంగాణ ప్రభుత్వం గచ్చిబౌలిలోని స్పోర్ట్స్‌ కాంప్లెక్స్‌లో 1500 పడకల ఆసుపత్రిని ఏర్పాటు చేసిన విషయం తెలిసిందే.