ఎల్జీ పాలిమర్స్‌ ఘటనపై నివేదిక సిద్ధం

నేడు ఏపీ సీఎంకు అందించనున్న అత్యున్నత స్థాయి కమిటీ

అమరావతి: విశాఖలోని ఎల్జీ పాలిమర్స్‌ గ్యాస్‌లీక్‌ ఘటనపై హైలెవల్‌ కమిటీ నివేదిక సిద్ధమైంది. మధ్యాహ్నం 12.30గంటలకు ఏపీ సీఎం జగన్‌కు ఈ కమిటీ నివేదిక సమర్పించనుంది. మే నెలలో ఎల్జీ పాలిమర్స్‌ పరిశ్రమలో గ్యాస్‌లీక్‌ అయిన విషయం తెలిసిందే ఈ ఘటనలో 11 మంది మృతి చెందగా.. 200 మందికిపైగా స్థానికులు తీవ్ర అస్వస్థతకు గురయ్యారు. ఈ ఘటనపై సమగ్ర విచారణ, అధ్యయనం చేసేందుకు ఏపీ ప్రభుత్వం హైలెవల్‌ కమిటీని ఏర్పాటు చేసింది. కమిటీ సభ్యులు పరిశ్రమను పరిశీలించి, వెంటకటాపురంలోని ప్రజలను విచారించి నివేదిక సిద్ధం చేశారు.