Telangana Rains: ఈ జిల్లాల్లో ఇవాళ అత్యంత భారీ వర్షాలు

హైదరాబాద్: తెలంగాణలోని పలు జిల్లాల్లో  భారీ నుంచి అతి భారీ వర్షాలు కురిసే అవకాశం ఉందని వాతావరణశాఖ వెల్లడించింది. గంటకు 40-50 కి.మీ వేగంతో గాలులు వీచే అవకాశముందని వెల్లడించింది.

కుమురం భీం ఆసిఫాబాద్, మంచిర్యాల, నిజామాబాద్, భద్రాద్రి కొత్తగూడెం, వరంగల్, హనుమకొండ, జనగాం, సిద్దిపేట, రంగారెడ్డి, హైదరాబాద్, మేడ్చల్ మల్కాజిగిరి, వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నాగర్ కర్నూల్, వనపర్తి, నారాయణపేట, జోగులాంబ గద్వాల్ జిల్లాల్లో అతి భారీ వర్షాలు.. ఖమ్మం, నల్గొండ, సూర్యాపేట, మహబూబాబాద్, యాదాద్రి భువనగిరి జిల్లాల్లో అత్యంత భారీ వర్షాలు కురిసే అవకాశం ఉందని తెలిపింది.

అత్యవసరమైతే తప్ప బయటకు రావొద్దు: జీహెచ్‌ఎంసీ

హైదరాబాద్‌లో నేడు భారీ వర్షం కురిసే అవకాశముందని వాతావరణశాఖ తెలిపింది. ఈ నేపథ్యంలో ప్రజలను జీహెచ్‌ఎంసీ అప్రమత్తం చేసింది. అత్యవసరమైతే తప్ప బయటకు రావొద్దని సూచించింది. సహాయం కోసం 9000113667 నంబర్‌ను సంప్రదించాలని తెలిపింది. 70లక్షల మందిని ఎస్‌ఎంఎస్‌ల ద్వారా అప్రమత్తం చేసింది.