ఫొటో తీస్తే...దెబ్బలు పడతాయి..

ఇంటర్నెట్‌ డెస్క్‌: ఇదేం చోద్యం అనుకోకండి. సాధారణంగా మనకు నచ్చకుండా ఎవరూ ఫొటోలు తీయడానికి అంగీకరించం. జంతువులు కూడా వీటికి అతీతం కాదని ఈ ఏనుగు నిరూపించింది. ఇటీవల సామాజిక మాధ్యమంలో పోస్ట్‌ చేసిన ఒక వీడియో అందుకు ఉదాహరణ...ఈ వీడియోలో జూలో సందర్శనకు వచ్చిన పర్యాటకులతో ఏనుగు ఆడుకుంటూ చాలా ప్రశాంతంగా కనిపించింది. దాని తొండాన్ని తాకుతూ మురిసిపోతున్న సందర్శకులకు వినోదాన్ని పంచింది. కానీ ఒక అమ్మాయి ఏనుగును ఫొటో తీయడానికి ప్రయత్నించినప్పుడు ఒక్కసారిగా తొండంతో ఆ బాలికను కొట్టింది. దాంతో బాలిక కింద పడిపొయింది. ఏనుగు ఫోన్‌ తీసుకోడానికి ప్రయత్నిస్తుండటం గమనించిన ఓ పర్యాటకుడు ఫోన్‌ను దాని నుంచి దూరంగా జరిపేశాడు.
ట్విటర్‌లో పోస్ట్‌ అయిన ఈ వీడియోను చూసి జంతుప్రేమికులు మరి వాటికి కోపం తెప్పిస్తే ఇలానే ఉంటాది అని కామెంట్లు  పెడుతున్నారు. జంతువులను మచ్చిక చేసుకోవడం అంత సులభం కాదని కూడా అంటున్నారు. జంతు ప్రదర్శనశాలలో అత్యుత్సాహంతో చేసిన తప్పిదాలు ఇలాంటి ఘటనలకు దారితీస్తాయి. ఇటీవల మృగరాజు జూకీపర్‌ వేలు కోరికేసిన ఘటన చూశాం. జాగ్రత్త సుమండీ..!