Krishna Tribunal: ఏపీ విజ్ఞప్తిని తోసిపుచ్చిన కృష్ణా ట్రైబ్యునల్‌

హైదరాబాద్: కృష్ణా జలాల వివాదంలో పూర్తి వివరణ దాఖలు చేసేందుకు ఏపీ ప్రభుత్వం గడువు కోరింది. రాష్ట్రంలో ఎన్నికల దృష్ట్యా జూన్‌ వరకు సమయమివ్వాలని విజ్ఞప్తి చేయగా.. కృష్ణా ట్రైబ్యునల్‌ తోసిపుచ్చింది. మరోవైపు ఏపీ విజ్ఞప్తిపై తెలంగాణ అభ్యంతరం వ్యక్తం చేసింది. పెండింగ్‌ కేసులకు ఎన్నికల కోడ్‌ అడ్డంకి కాదని వాదించింది. కాలయాపన కోసమే ఏపీ గడువు కోరుతోందని కోర్టు దృష్టికి తీసుకెళ్లింది. వాదనలు విన్న ధర్మాసనం.. జూన్‌ వరకు గడువు ఇవ్వడం సాధ్యం కాదని తేల్చి చెప్పింది. ఈ నెల 29 లోగా వివరణ ఇవ్వాలని తెలిపింది. స్టేట్‌మెంట్‌ ఇచ్చిన తర్వాత 2 వారాల్లో కౌంటర్‌ దాఖలు చేయాలని రెండు రాష్ట్రాలను ఆదేశించింది.