Karnataka: కాటేసిన తాచుపాముతో ఆసుపత్రికి..

బళ్లారి: కాటేసిన తాచుపామును పట్టుకుని ఓ వ్యక్తి ఆసుపత్రికి రావడంతో సిబ్బంది షాక్‌కు గురయ్యారు. అతడికి ప్రాథమిక చికిత్స అందించి జిల్లా ఆసుపత్రికి తరలించారు. కర్ణాటకలోని బళ్లారి జిల్లా ఉప్పరహళ్లి గ్రామానికి చెందిన కాడప్ప అనే వ్యక్తి వ్యవసాయ క్షేత్రంలో పనిచేస్తుండగా, ఓ తాచుపాము అతని ఎడమ చేతిపై కాటేసింది. వెంటనే ఆ పామును చేతితో పట్టుకుని, బంధువు సాయంతో స్థానిక ఆసుపత్రికి వెళ్లాడు. అక్కడి వైద్యులు అతనికి ప్రథమ చికిత్స నిర్వహించి జిల్లా ఆసుపత్రికి వెళ్లాలని సూచించారు. జిల్లా ఆసుపత్రికి కూడా పామును పట్టుకునే వెళ్లాడు. బళ్లారి ఆసుపత్రి వద్ద కొందరు ఆ పామును కొట్టి చంపారు. ప్రస్తుతం కాడప్ప ఆరోగ్యం నిలకడగా ఉందని వైద్యులు వెల్లడించారు. బాధితుని మానసిక పరిస్థితి బాగోలేనందునే పామును చేతిలో పట్టుకుని వెళ్లాడని స్థానికులు తెలిపారు.