TS News: మ‌ధుక‌ర్‌ది హ‌త్యే: మావోయిస్టుల లేఖ

హైద‌రాబాద్‌: మావోయిస్టు నేత మ‌ధుక‌ర్‌ను పోలీసులే క్రూరంగా హింసించి హ‌త్య చేశార‌ని మావోయిస్టులు ఆరోపించారు. ఈ మేర‌కు ద‌క్షిణ స‌బ్ జోన‌ల్ పేరుతో దండ‌కార‌ణ్య అధికార ప్ర‌తినిధి స‌మ‌త లేఖ విడుద‌ల చేశారు. క‌రోనా బారిన ప‌డి చికిత్స కోసం వ‌చ్చిన మ‌ధుక‌ర్‌ను ఈ నెల ఒక‌టో తేదీ వ‌రంగ‌ల్‌లో పోలీసులు అరెస్టు చేసిన విష‌యం తెలిసిందే. అత‌డికి క‌నీసం వైద్య సేవ‌లు అందించ‌కుండా ఐదు రోజుల పాటు హింసించార‌ని.. ఆరో తేదీన‌ అనారోగ్యంతో చ‌నిపోయిన‌ట్లు ప్ర‌క‌టించార‌ని స‌మ‌త ఆరోపించారు. గ‌త నెల 27న ప్లాటూన్ క‌మాండర్ గంగాల్‌ను కూడా ఇదే త‌ర‌హాలో హ‌త్య చేసిన‌ట్లు పేర్కొన్నారు. మ‌ధుక‌ర్‌కు శ్ర‌ద్ధాంజ‌లి ఘటించిన ద‌క్షిణ స‌బ్ జోన‌ల్ బ్యూరో.. ఆయ‌న ఆశ‌యాలను కొన‌సాగిస్తామ‌ని లేఖ‌లో పేర్కొంది.