SomiReddy: సోమిరెడ్డి చంద్రమోహన్‌రెడ్డి దీక్ష భగ్నం

నెల్లూరు: తెదేపా నేత, మాజీ మంత్రి సోమిరెడ్డి చంద్రమోహన్‌రెడ్డి చేపట్టిన దీక్షను పోలీసులు భగ్నం చేశారు. పొదలకూరు మండలంలో గడువు ముగిసిన ఓ క్వారీ నుంచి క్వార్ట్జ్‌ను అక్రమంగా తవ్వితీస్తున్నారని సోమిరెడ్డి పొదలకూరు మండలంలోని తాటిపర్తి సమీపంలో మూడు రోజులుగా సత్యాగ్రహ దీక్ష చేపట్టారు. ఈ క్రమంలో సోమవారం అర్ధరాత్రి దాటాక 2 గంటల సమయంలో ఆయన దీక్ష చేస్తున్న ప్రాంతానికి పోలీసులు చేరుకున్నారు. అనంతరం సోమిరెడ్డి దీక్షను భగ్నం చేసి ఆయనను ఇంటి వద్ద దించి వెళ్లారు. ఈ సందర్భంగా పోలీసులకు, కార్యకర్తలకు మధ్య కాసేపు వాగ్వాదం చోటుచేసుకుంది.