Updated : 26/11/2021 16:37 IST

TS News: ఈ ఏడాది సైబరాబాద్‌ డ్రంక్‌ అండ్‌ డ్రైవ్‌ కేసులు ఎన్నో తెలుసా?

హైదరాబాద్‌: నగరంలోని సైబరాబాద్‌ కమిషనరేట్‌ పరిధిలో ఈ ఏడాదిలో ఇప్పటి వరకు 32,818 డ్రంక్‌ అండ్‌ డ్రైవ్‌ కేసులు నమోదయ్యాయి. వీటిలో ద్విచక్ర వాహనదారులే ఎక్కువగా ఉన్నారు. డ్రంక్‌ అండ్‌ డ్రైవ్‌ కేసుల వివరాలను సైబరాబాద్‌ పోలీసులు వెల్లడించారు. మోతాదుకు మించి మద్యం సేవించి వాహనాలు నడిపిన వారిలో 25,614 మంది ద్విచక్ర వాహనదారులు.. 1,055 ఆటో, 5,947 కార్లు, 202 భారీ వాహనాల డ్రైవర్లు ఉన్నారు. వీళ్లపై ట్రాఫిక్‌ పోలీసులు కేసులు నమోదు చేశారు. ఈ కమిషనరేట్‌ పరిధిలో మద్యం సేవించి వాహనాలు నడపడం వల్ల 210 ప్రమాదాలు చోటుచేసుకోగా.. 232 మంది మృతిచెందారు.

సైబరాబాద్‌ పరిధిలో మొత్తం రోడ్డు ప్రమాదాల్లో మద్యం సేవించి వాహనాలు నడపడం వల్ల జరిగినవి 30.07శాతంగా ఉన్నాయి. మృతుల సంఖ్య 31.08 శాతం. ట్రాఫిక్ పోలీసుల తనిఖీల్లో 35ఏళ్ల లోపు యువకులే ఎక్కువగా పట్టుబడుతున్నారు. మోతాదుకు మించి మద్యం సేవించి వాహనాలు నడిపితే చట్టపరంగా కఠిన చర్యలు తప్పవని సైబరాబాద్ ట్రాఫిక్ డీసీపీ విజయ్ కుమార్ హెచ్చరించారు.


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని