Ts News: జగిత్యాల, రామగుండంలో భూప్రకంపనలు

హైదరాబాద్‌: తెలంగాణలోని పలు ప్రాంతాల్లో ఇవాళ సాయంత్రం స్వల్పంగా భూమి కంపించింది. రాష్ట్రంలోని జగిత్యాల, రామగుండం, మంచిర్యాల జిల్లా లక్షేటిపేట, గోదావరి పరివాహక గ్రామాల్లో సాయంత్రం 6:49 గంటలకు దాదాపు 3 సెకన్ల పాటు స్వల్పంగా భూమి కంపించింది. కుమురం భీం జిల్లాలోని చింతలమానేపల్లి, కౌటాల, పెంచికల్‌పేట, బెజ్జూరు మండలాల్లో భూప్రకంపనలు వచ్చాయి. దీంతో ప్రజలు ఒక్కసారిగా ఉలిక్కిపడ్డారు. భయాందోళనలతో ఇళ్ల నుంచి పరుగులు తీశారు.