TS EAMCET 2021: తెలంగాణ ఎంసెట్‌ ఫలితాలు విడుదల

హైదరాబాద్‌: తెలంగాణ ఎంసెట్ ఫలితాలు వెల్లడయ్యాయి. జేఎన్‌టీయూహెచ్‌లో నిర్వహించిన కార్యక్రమంలో రాష్ట్ర విద్యాశాఖ మంత్రి సబితా ఇంద్రారెడ్డి ఫలితాలను విడుదల చేశారు. ఈనెల 4, 5, 6 తేదీల్లో ఇంజినీరింగ్.. 9, 10 తేదీల్లో వ్యవసాయ, ఫార్మా కోర్సుల ప్రవేశాల కోసం ఎంసెట్ నిర్వహించిన విషయం తెలిసిందే. ఫలితాల విడుదల సందర్భంగా మంత్రి  సబిత మాట్లాడుతూ.. ఇంజినీరింగ్‌లో 82.08 శాతం మంది విద్యార్థుల ఉత్తీర్ణత సాధించినట్లు తెలిపారు. ఎంసెట్‌ను 9 విడతల్లో నిర్వహించామన్నారు. పరీక్షకు హాజరు శాతం పెరిగిందని వివరించారు. గతంతో పోల్చుకుంటే 28 వేల మంది విద్యార్థులు అదనంగా హాజరయ్యారని చెప్పారు. కరోనా సమయంలోనూ షెడ్యూల్ పూర్తి చేసిన అధికారులకు మంత్రి అభినందనలు తెలిపారు.