AP EAPCET: అగ్రికల్చర్‌, ఫార్మసీలో టాప్‌ టెన్‌ ర్యాంకర్లు వీరే..

అమరావతి: ఏపీ ఈఏపీసెట్ ఫలితాలు విడుదలయ్యాయి. ఇది వరకే ఇంజినీరింగ్‌ ఫలితాలు విడుదల కాగా.. ఇవాళ అగ్రికల్చర్‌, ఫార్మసీ ఫలితాలను విద్యాశాఖ మంత్రి వెల్లడించారు. తూర్పుగోదావరి జిల్లా కోరుకొండకు చెందిన చందం విష్ణు వివేక్‌కు మొదటి ర్యాంకు, అనంతపురానికి చెందిన శ్రీనివాస కార్తికేయకు రెండో ర్యాంకు, హనుమకొండకు చెందిన బొల్లినేని విశ్వాస్‌రావుకు మూడో ర్యాంకు, హైదరాబాద్‌లోని కూకట్‌పల్లికి చెందిన గజ్జల సమీహనరెడ్డి నాలుగు, ప్రగతి నగర్‌కు చెందిన కాసా లహరికి ఐదో ర్యాంకు కైవసం చేసుకున్నారు.

గుంటూరుకు చెందిన కాశీందుల చైతన్య కృష్ణ ఆరో ర్యాంకు, ఏడో ర్యాంకును గుంటూరులోని గోరంట్లకు చెందిన నూతలపాటి దివ్య, ఎనిమిదో ర్యాంకును సిద్దిపేట జిల్లాకు చెందిన కల్యాణం రాహుల్‌ సిద్ధార్థ్‌, తొమ్మిదో ర్యాంకును నల్గొండకు చెందిన తడిసిన సాయి రెడ్డి, పదో ర్యాంకును గుంటూరుకు చెందిన గద్దె విదీప్‌ సొంతం చేసుకున్నారు. జిల్లాల వారీగా టాప్‌ టెన్‌ ర్యాంకర్ల వివరాలను కూడా వెల్లడించారు. 

జిల్లాల వారీగా టాప్‌ టెన్‌ ర్యాంకర్ల వివరాల కోసం క్లిక్‌ చేయండి..