Beating Retreat: అటారీ-వాఘా సరిహద్దులో బీటింగ్‌ రీట్రీట్‌ వేడుకలు

దిల్లీ: స్వాతంత్ర్య దినోత్సవాన్ని పురస్కరించుకొని అటారీ-వాఘా సరిహద్దులో (Wagah Border) బీటింగ్‌ రీట్రీట్‌ వేడుకలు (Beating Retreat) ఘనంగా జరిగాయి. ఇందులో భాగంగా భారత్‌, పాకిస్థాన్‌ సైనికులు కవాతు చేశారు. ఈ సందర్భంగా ఇరు దేశాల సైనికులు ఉత్సాహంగా పరస్పరం కరచాలనం చేసుకోవడం ప్రతిఒక్కర్నీ ఆకర్షించింది.

పంజాబ్‌లోని అమృత్‌సర్‌లో ఉన్న అట్టారీ సరిహద్దులో జరిగే ఈ వేడుకలను వీక్షించేందుకు వేల సంఖ్యలో ఇరు దేశాల పౌరులు హాజరవుతుంటారు. సుమారు గంటసమయం పాటు జరిగే ఈ ప్రదర్శనలో ఇరు దేశాల సైనికులు కవాతుతోపాటు పలు ప్రదర్శనలు చేస్తారు. నేడు పాకిస్థాన్‌ స్వాతంత్ర్య దినోత్సవం సందర్భంగా ఆదివారం మధ్యాహ్నం జరిగిన వేడుకల్లో పాక్‌ రేంజర్లు, బీఎస్‌ఎఫ్‌ జవాన్లు పరస్పరం స్వీట్లు పంచుకున్నారు.