దిల్లీలో ట్రాక్టర్‌ ర్యాలీకి రైతుల సన్నాహాలు

దిల్లీ: నూతన సాగు చట్టాలకు వ్యతిరేకంగా గణతంత్ర దినోత్సవం సందర్భంగా దిల్లీలో ట్రాక్టర్‌ ర్యాలీని నిర్వహించేందుకు రైతులు సిద్ధమవుతున్నారు. ర్యాలీకి దిల్లీ పోలీసులు అనుమతి ఇవ్వడంతో అన్నదాతలు సన్నాహాలు ముమ్మరం చేశారు. హరియాణా, పంజాబ్‌కు చెందిన కర్షకులు ట్రాక్టర్లతో దిల్లీకి బయలుదేరారు. మువ్వన్నెల జెండాలతో ఉన్న ట్రాక్టర్లు హస్తిన వైపు పయనిస్తున్నాయి. దిల్లీ రింగురోడ్డు పరిధిలో 100 కిలోమీటర్ల మేర భారీ ర్యాలీ నిర్వహిస్తామని అన్నదాతలు ఇప్పటికే స్పష్టం చేశారు. ర్యాలీ మొత్తం శాంతియుతంగా నిర్వహించాలని రైతు సంఘాలు కోరాయి. ట్రాక్టర్‌ ప్రదర్శనలు ఘాజీపూర్‌, టిక్రీ, సింఘు సరిహద్దు పాయింట్ల నుంచి ప్రారంభమయ్యే అవకాశం ఉంది.

ఇవీ చదవండి...

చైనా యాప్‌లపై నిషేధాన్ని పొడిగించిన కేంద్రం

మోదీకి దుబాయ్‌ విద్యార్థి గణతంత్ర బహుమతి