టీకా వేగం పెంచకపోతే మూడోదశ ముప్పు

శాస్త్రవేత్త విద్యాసాగర్‌ హెచ్చరిక

దిల్లీ: కరోనా నియంత్రణకు చేపట్టిన వ్యాక్సినేషన్‌ కార్యక్రమాన్ని వేగవంతం చేయకపోతే దేశంలో మరో 6-8 నెలల్లో మహమ్మారి మూడోదశ వ్యాప్తికి అవకాశం ఉందని శాస్త్రవేత్త ఎం.విద్యాసాగర్‌ హెచ్చరించారు. గణితశాస్త్ర సాయంతో సూత్ర మోడల్‌ ద్వారా కొవిడ్‌-19 విక్షేపమార్గాన్ని ఆవిష్కరించడంలో ఈయన పాత్ర ఉంది. ఐఐటీ- హైదరాబాద్‌ ప్రొఫెసర్‌ అయిన విద్యాసాగర్‌ ఇటాలియన్‌ పరిశోధకులు కొవిడ్‌ బాధితులపై జరిపిన పరిశోధన తాలూకు పత్రాల ఆధారంగా మాట్లాడుతూ..‘మనిషి దేహంలో యాంటీబాడీలు తగ్గిపోతే రోగనిరోధక శక్తి కూడా తగ్గిపోతుంది. కాబట్టి, వ్యాక్సినేషన్‌ ప్రక్రియ ఊపందుకోకపోతే 6-8 నెలల్లో మూడోముప్పు ఉంటుంది’ అని విశ్లేషించారు.