Published : 23 Nov 2021 04:49 IST

క్రిస్మస్‌ ఊరేగింపుపై దూసుకెళ్లిన కారు

 ఐదుగురి మృతి..40 మందికి గాయాలు

అమెరికాలో దుర్ఘటన

కారు దూసుకుపోయిన అనంతరం ఘటనా ప్రాంతం. అంతరచిత్రంలో అంతకుముందు జనంపైకి వేగంగా వెళ్తున్న కారు.

వాషింగ్టన్‌: క్రిస్మస్‌ పండుగ రాబోతున్న నేపథ్యంలో ముందస్తు ఉత్సవాలు నిర్వహించుకుంటున్నవారిపైకి అనూహ్యంగా ఒక కారు (ఎస్‌యూవీ) దూసుకుపోయిన ఘటనలో ఐదుగురు ప్రాణాలు కోల్పోయారు. మరో 40 మందికి పైగా గాయపడ్డారు. అమెరికాలోని విస్కాన్సిన్‌లో ఉన్న వౌకేషా నగరంలో ఆదివారం ఈ దుర్ఘటన చోటు చేసుకుంది. వీనుల విందైన వాయిద్యాల నడుమ శాంతాక్లాజ్‌ తరహాలో టోపీలు ధరించి ప్రజలంతా ఊరేగింపుగా వెళ్తున్నప్పుడు వారిపైకి కారు వేగంగా దూసుకువచ్చింది. బ్యారికేడ్లను ఢీకొట్టి, ఆ తర్వాత ప్రజలపైకి ఇది వచ్చినట్లు వీడియోల్లో నమోదైంది. అనుమానితుల్లో ఒకరిని పోలీసులు అదుపులోకి తీసుకుని ప్రశ్నిస్తున్నారు. వాహనం అక్కడి బ్యారికేడ్లను ఢీకొన్నప్పుడు కాల్పుల మాదిరి శబ్దం వినిపించిందని, డ్రైవరును నిలువరించేందుకు పోలీసులు కాల్పులు జరిపారని ప్రత్యక్ష సాక్షులు తెలిపారు. అంతవరకు ఆనందోత్సాహాలు, పిల్లల కేరింతలతో కళకళలాడిన ప్రాంతంలో ఒక్కసారిగా భీతావహ పరిస్థితి నెలకొందని వివరించారు. కారును నడిపిన వ్యక్తి ఏదైనా నేరానికి పాల్పడి పరారైపోయే ప్రయత్నంలో ప్రజల మీదికి వచ్చి ఉండవచ్చని అనుమానిస్తున్నారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని