గూగుల్‌ సీఈఓ సుందర్‌ పిచాయ్‌పై కాపీరైట్‌ ఉల్లంఘన కేసు

ముంబయి: గూగుల్‌ సీఈఓ సుందర్‌ పిచాయ్‌ సహా సంస్థలోని మరో అయిదుగురు అధికారులపై కాపీరైట్‌ చట్టం ఉల్లంఘన కింద కేసు నమోదు అయ్యింది. కోర్టు ఆదేశాల మేరకు కేసు నమోదు చేసినట్లు ముంబయి పోలీసులు తెలిపారు. ‘ఏక్‌ హసీనా తి ఏక్‌ దివానా థా’ సినిమాను యూట్యూబ్‌లో అప్‌లోడ్‌ చేసేందుకు గుర్తు తెలియని వ్యక్తులను గూగుల్‌ అనుమతించిందని ప్రముఖ దర్శకుడు సునీల్‌ దర్శన్‌ కోర్టును ఆశ్రయించారు. ఆయన పిటిషన్‌ను పరిశీలించిన కోర్టు కేసు నమోదు చేయాలని పోలీసులను ఆదేశించింది.