వందేళ్ల ఓటర్లకు ఎన్నికల సంఘం వందనాలు

మీ వల్లే ప్రజాస్వామ్యం బలోపేతమైందంటూ లేఖలు

దిల్లీ: దేశవ్యాప్తంగా వందేళ్లు దాటిన 2.5 లక్షలకు పైగా ఓటర్లకు కేంద్ర ఎన్నికల సంఘం ప్రత్యేక ధన్యవాదాలు తెలుపుతూ వ్యక్తిగతంగా లేఖలు రాసింది. మీలాంటి బాధ్యతయుతమైన ఓటర్ల వలనే దేశంలో ప్రజాస్వామ్యం పరిఢవిల్లుతోందని పేర్కొంది. ‘‘ఎప్పటి నుంచో ఓట్లు వేస్తూ.. ఎన్నికల ప్రక్రియలో పాల్గొంటూ.. నచ్చిన ప్రభుత్వాలను ఎన్నుకుంటూ ప్రజాస్వామ్యానికి మూలస్తంభంగా నిలిచారు’’ అని లేఖలో సీనియర్‌ ఓటర్లను కేంద్ర ప్రధాన ఎన్నికల కమిషనర్‌ రాజీవ్‌ కుమార్‌ అభినందించారు. యువతకు మార్గదర్శకంగా నిలిచారని కొనియాడారు.