రామ జన్మభూమి చరిత్రపై దృశ్యకావ్యానికి అమితాబ్‌ స్వరం?

దిల్లీ: శ్రీరామ జన్మభూమి చరిత్రపై తీసుకొచ్చే చిత్రానికి స్వరం అందించాలని ప్రముఖ నటుడు అమితాబ్‌ బచ్చన్‌ను కోరినట్టు అయోధ్య రామాలయ నిర్మాణ కమిటీ శుక్రవారం ఓ ప్రకటనలో తెలిపింది. ఈ చిత్ర నిర్మాణ బాధ్యతలను ప్రముఖ రచయిత, ఫిల్మ్‌ సెన్సార్‌ బోర్డు ఛైర్మన్‌ ప్రసూన్‌ జోషి, దర్శకుడు డా.చంద్రప్రకాశ్‌ ద్వివేది, ప్రముఖ రచయిత యతీంద్ర మిశ్రా, ఇందిరాగాంధీ సెంటర్‌ ఫర్‌ ఆర్ట్స్‌ కార్యదర్శి సచిదానంద జోషిలతో కూడిన కమిటీకి అప్పగించినట్టు వెల్లడించింది. కాగా- వాల్మీకి రామాయణంలోని ఘట్టాల ఆధారంగా సుమారు వంద ఐకానోగ్రాఫిక్‌ ప్యానెళ్లను అయోధ్యలో నిర్మితమవుతున్న ఆలయ స్తంభాలపై ఏర్పాటు చేయనున్నట్టు నిర్మాణ కమిటీ పేర్కొంది.