బీసీలపై దౌర్జన్యాలు తగవు: ద్రావిడ దేశం

చెన్నై (సాంస్కృతికం), న్యూస్‌టుడే:  కొందరు తమ అధికార బలంతో ఇటీవల బీసీలపై దాడులు చేస్తున్నారని, వాటిని ఖండిస్తున్నామని ద్రావిడ దేశం అధ్యక్షుడు కృష్ణారావు తెలిపారు. ఈ మేరకు చెన్నైలో ఓ ప్రకటన విడుదల చేశారు. ఆదివారం హైకోర్టు ఉత్తర్వుల మేరకు చిత్తూరు జిల్లాలోని సదుంలో తలపెట్టిన రైతుభేరి కార్యక్రమాన్ని పోలీసుల అనుమతి లేదనే కారణంతో ఆపారని గుర్తుచేశారు. కార్యక్రమం నిర్వహించాలనుకున్న రామచంద్రయాదవ్‌ ఇంటిపై పోలీసుల కనుసన్నలలోనే కొందరు దాడి చేసి ఆస్తి నష్టం కలిగించారని చెప్పారు. ఓవైపు బీసీలు రాష్ట్రాలకు వెన్నెముక లాంటివారు అని పొగుడుతూ మరోవైపు వారిని అణచివేసేందుకు ఇలా చేయడాన్ని ఖండిస్తున్నట్లు తెలిపారు.