Sonia Gandhi: ఆ రోజున హాజరుకండి: సోనియాకు మరోసారి ఈడీ సమన్లు

దిల్లీ: నేషనల్ హెరాల్డ్ మనీ లాండరింగ్ కేసు( money laundering case)లో కొత్త తేదీని నిర్ణయిస్తూ.. కాంగ్రెస్‌ అధినేత్రి సోనియా గాంధీ(Sonia Gandhi)కి సోమవారం ఈడీ(ED) మరోసారి సమన్లు జారీ చేసింది. జులై 21న ఆమె దర్యాప్తు సంస్థ ముందు హాజరుకావాలని వాటిలో పేర్కొంది. 

ఈ మనీ లాండరింగ్ కేసులో సోనియా గాంధీ, ఆమె తనయుడు రాహుల్ గాంధీకి ఇది వరకే ఈడీ సమన్లు జారీ చేసింది. ఈ కేసులో కొద్దిరోజుల పాటు రాహుల్‌ను ప్రశ్నించింది. దర్యాప్తు సంస్థ ముందు హాజరుకావాల్సిన సమయంలోనే సోనియా కరోనాబారిన పడి, తదనంతర సమస్యలతో ఆసుపత్రిలో చేరాల్సి వచ్చింది. జూన్‌ నెల చివర్లో డిశ్ఛార్జి అయ్యారు. విశ్రాంతి నిమిత్తం మరికొంత గడువు ఇవ్వాలని ఆమె ఈడీకి లేఖ రాశారు. ఆ క్రమంలోనే తాజాగా  కొత్త తేదీని నిర్ణయించింది. మరోపక్క రాహుల్ గాంధీ (Rahul Gandhi) ఇదివరకే ఐదు రోజులపాటు ఈడీ విచారణకు హాజరయ్యారు. ఈ కేసులో ఆయన్ను ఈడీ దాదాపు 50 గంటల పాటు ప్రశ్నించింది.