Vaccine: టీకా తీసుకుంటే.. స్మార్ట్‌ఫోన్‌ ఫ్రీ

గాంధీనగర్‌: కరోనా కట్టడిలో భాగంగా గుజరాత్‌లోని రాజ్‌కోట్‌ మున్సిపల్‌ కార్పొరేషన్‌ వినూత్న కార్యక్రమానికి శ్రీకారం చుట్టింది. రెండో డోసు టీకా తీసుకోనివారే లక్ష్యంగా ప్రత్యేక వ్యాక్సినేషన్‌ డ్రైవ్‌ నిర్వహిస్తోంది. డిసెంబరు 4 నుంచి 10 మధ్య రెండో డోసు తీసుకున్న లబ్ధిదారులకు స్మార్ట్‌ఫోన్‌ అందించనున్నట్లు ప్రకటించింది.

డ్రా నిర్వహించి ఒక లక్కీ విన్నర్‌ను ఎంపిక చేయనున్నట్లు రాజ్‌కోట్‌ మున్సిపల్‌ కార్పొరేషన్‌ కమిషనర్‌ అమిత్‌ అరోడా తెలిపారు. విజేతకు రూ.50 వేల విలువైన స్మార్ట్‌ఫోన్‌ ఇవ్వనున్నట్లు వెల్లడించారు. అంతేకాకుండా.. ఎక్కువ డోసులు అందించే అర్బన్‌ హెల్త్‌కేర్‌ సెంటర్‌లకు రూ.21 వేలు అందిస్తామని తెలిపారు.