Breaking | Feedback | ePratibha | E-PAPER | Pratibha

అమెజాన్‌లో ఆనంద్‌ దేవరకొండ చిత్రం

‘దొరసాని’ చిత్రంతో నటుడిగా గుర్తింపు తెచ్చుకున్నారు ఆనంద్‌ దేవరకొండ. ఆయన కీలక పాత్రలో వినోద్‌ అనంతోజ్‌ దర్శకత్వంలో తెరకెక్కిన చిత్రం

Published : 08 Nov 2020 00:20 IST

హైదరాబాద్‌: ‘దొరసాని’ చిత్రంతో నటుడిగా గుర్తింపు తెచ్చుకున్నారు ఆనంద్‌ దేవరకొండ. ఆయన కీలక పాత్రలో వినోద్‌ అనంతోజు దర్శకత్వంలో తెరకెక్కిన చిత్రం ‘మిడిల్‌ క్లాస్‌ మెలొడీస్‌’. వర్ష బొల్లమ్మ కథానాయిక. అన్ని కార్యక్రమాలు పూర్తి చేసుకున్న ఈ చిత్రం ప్రముఖ ఓటీటీ అమెజాన్‌ వేదికగా ప్రేక్షకుల ముందుకు రానుంది. ఈ నేపథ్యంలో శనివారం చిత్ర మోషన్‌ పోస్టర్‌ను విడుదల చేశారు.

‘గుంటూరులో హోటలంటే మాటలు కాదు.. నీలాంటోడు సందుకొకడు ఉన్నాడు’ అంటూ కొడుకును మందలిస్తున్న తండ్రి సంభాషణలో సాగిన మోషన్‌ పోస్టర్‌ ఆసక్తిని రేకెత్తిస్తోంది. మరి కథానాయకుడు గుంటూరు వెళ్లి హోటల్‌ పెట్టాడా? అప్పుడు అతనికి ఎదురైన అనుభవాలు ఏంటి? సంధ్య(వర్ష)తో పరిచయం ఎలా ఏర్పడింది? తెలియాలంటే సినిమా చూడాల్సిందే. నవంబరు 20న అమెజాన్‌ వేదికగా ‘మిడిల్‌ క్లాస్‌ మెలొడీస్‌’ స్ట్రీమింగ్‌ కానుంది. స్వీకర్‌ అగస్త, ఆర్‌హెచ్‌ విక్రమ్‌ సంగీతం అందించిన ఈ చిత్రాన్ని భవ్య క్రియేషన్స్‌ బ్యానర్‌పై ఆనంద్‌ ప్రసాద్‌ నిర్మిస్తున్నారు.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.