నాని28 సినిమా టైటిల్‌ తెలుసా..?

ఆకట్టుకునేలా కొత్త సినిమా కర్టన్‌రైజర్‌

హైదరాబాద్‌: సినిమాల విషయంలో నేచురల్‌ స్టార్‌ నాని జోరు పెంచారు. ప్రస్తుతం ‘టక్‌ జగదీష్‌’ చిత్రంలో నటిస్తున్న ఆయన త్వరలో ‘శ్యామ్‌ సింగరాయ్‌’ సెట్‌లోకి అడుగుపెట్టేందుకు సిద్ధమవుతున్నారు. ఈ నేపథ్యంలోనే ఇటీవల ఆయన తన 28వ చిత్రాన్ని ప్రకటించిన విషయం తెలిసిందే. శుక్రవారం ఉదయం ఈ సినిమా టైటిల్‌ను చిత్రబృందం అభిమానులతో పంచుకుంది. ‘అంటే... సుందరానికీ!’ అనే పేరుతో రానున్న ఈ చిత్రానికి వివేక్‌ ఆత్రేయ దర్శకత్వం వహించనున్నారు. తాజాగా విడుదలైన ఈ సినిమా కర్టన్‌రైజర్‌ ఆకట్టుకునేలా ఉంది.

సంగీత ప్రధానంగా సాగే రొమాంటిక్‌ ఎంటర్‌టైనర్‌గా ఈ సినిమా ప్రేక్షకులను అలరించనున్నట్లు సమాచారం. అయితే ఈ సినిమాలో నాని సరసన మలయాళీ భామ నజ్రియా ఫహాద్‌ సందడి చేయనున్నారు. ఆమె కథానాయికగా నటించనున్న మొదటి తెలుగు చిత్రమిది.