Published : 30 Jul 2022 11:25 IST

Fire Accident: సినిమా సెట్‌లో భారీ అగ్నిప్రమాదం

ముంబయి: మహారాష్ట్రలోని ముంబయి శివారు అంధేరి వెస్ట్‌ ప్రాంతంలో ఉన్న చిత్రకూట్‌ మైదానంలో పక్క పక్కనే వేసిన రెండు సినిమా సెట్స్‌లో శుక్రవారం భారీ అగ్నిప్రమాదం జరిగింది. ఈ ప్రమాదంలో ఒకరు మృతిచెందగా, మరొకరు గాయపడ్డారు. సాయంత్రం 4.30 గంటలకు మొదలైన మంటలు రాత్రి తొమ్మిదిన్నరకు అదుపులోకి వచ్చాయి. 8 ఫైర్‌ ఇంజిన్లు, అయిదు నీటి జెట్టీలతో సిబ్బంది శ్రమించి మంటల్ని అదుపులోకి తీసుకువచ్చారు. ఇందులో ఒక దానిలో రాజశ్రీ ప్రొడెక్షన్స్‌, మరొకదానిలో లవ్‌ రంజన్‌ కొత్త సినిమాల చిత్రీకరణలు జరుగుతున్నాయి. చిత్రీకరణలు జరుగుతుండగా అగ్గి రాజుకొని, ఈ ప్రమాదం సంభవించిందని ఫెడరేషన్‌ ఆఫ్‌ వెస్టర్న్‌ ఇండియా సినీ ఎంప్లాయీస్‌ ప్రధాన కార్యదర్శి అశోక్‌ దూబే తెలిపారు. ఈ ప్రమాదంలో తీవ్రంగా గాయపడిన మనీశ్‌ దేవాశీ (32) అనే యువకుణ్ని స్థానిక ప్రభుత్వ ఆసుపత్రికి తరలించగా, అప్పటికే మృతిచెందినట్లు వైద్యులు తెలిపారు. అగ్నిప్రమాదంతో రణ్‌బీర్‌-శ్రద్ధాకపూర్‌ జంటగా నటిస్తోన్న లవ్‌ రంజన్‌ సినిమా షూట్‌ వాయిదా పడింది.


Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని