Director Trinadha Rao: తెలుగు సినీ దర్శకుడు త్రినాథరావు ఇంట విషాదం

హైదరాబాద్‌: సినీ ఇండస్ట్రీలో మరో విషాదం చోటుచేసుకుంది. దర్శకుడు త్రినాథరావు  తండ్రి నక్కిన సూర్యారావు కన్నుమూశారు. కొంతకాలంగా వృద్ధాప్య సమస్యలతో బాధపడుతున్న ఆయన సోమవారం రాత్రి తుదిశ్వాస విడిచారు. త్రినాథరావు స్వగ్రామం అనకాపల్లిలో అంత్యక్రియలు చేశారు.  ఈ సందర్భంగా సినీ ప్రముఖులు,నటీనటులు సోషల్‌ మీడియాలో వేదికగా త్రినాథరావు కుటుంబానికి సంతాపం తెలిపారు. సూర్యారావు ఆత్మకు శాంతి కలగాలని ప్రార్థించారు. ‘ప్రియతమా నివచట కుశలమా’ చిత్రంతో దర్శకుడిగా మారిన త్రినాథరావు...  ఆ తర్వాత ‘సినిమా చూపిస్తా మామ’, ‘నేను లోకల్‌’, ‘హలో గురు ప్రేమకోసమే’ ‘ధమాకా’ చిత్రాలు తీశారు. ప్రస్తుతం వరుణ్‌ తేజ్‌తో మట్కా మూవీ చేస్తున్నారు. పీరియాడిక్ బ్యాక్‌డ్రాప్‌లో ఈ సినిమాను భారీ బడ్జెట్‌తో తెరకెక్కిస్తున్నారు.